Овој рецепт се подготвува за помалку од 30 минути

1. Извадете го сладоледот од ванила од замрзнувачот за да омекне малку додека го спремите останатото.
2. Двелитарскиот сад за пудинг обложете го со 3 слоја самолеплива фолија.
3. Со нож исечете го овошниот милиброд на пола, а потоа од половините исечете парчиња со 2 сантиметри дебелина (може да земете купечки милиброд по ваш вкус).
4. Шест парчиња од милибродот наредете ги во садот во една линија и притиснете ги убаво да се соединат и го покријат цел ѕид на садот.
5. Попрскајте ги малку со некое слатко вино за милибродот да го упие, а потоа обложете го пандишпанот со џем.
6. Додајте една половина од сладоледот во садот и со лажица распространете го рамномерно така што ќе се добие дебел слој.
7. Посипете одозгора со ф’стаци, вишни и глазирано овошје (по ваш вкус), а потоа одозгора ставете слој мандарини.
8. Додајте ја другата половина од сладоледот. Брзо распространете го пред да се стопи.
9. Ставете ги останатите кришки од милибродот и повторно попрскајте ги со малку вино и чинијата прекријте ја со самолепливата фолија.
10. Притиснете го садот одозгора за да се соедини и ставете го во замрзнувач преку ноќ или подолго.
11. Кога ќе сакате да го послужите, стопете црно чоколадо на пареа.
12. Додека чоколадото се топи внимателно превртете ја тортата на чинија за служење и одозгора изрендајте малку кора од мандарина, а потоа прелијте ја тортата со стопеното чоколадо.