За овој рецепт се потребни помалку од 35 минути

1. Во голем сад измешајте ги кокосовото млеко, путерот од кикирики, соја сосот, сокот од лимон, кафеавиот шеќер, мелениот лук и ситно сечканиот коријандер. Од состојките направете хомогена смеса.
2. Свинското филе исчистете го и со нож направете длабоки засеци одозгора, не целосно на парчиња туку оставете малку дел за да се спојува месото.
3. Двете парчиња свинско филе отворете ги како книга, покријте ги со пластична фолија и сплескајте ги малку со дрвен чук.
4. Потоа извадете ја фолијата, ставете ги во садот со сосот од кикириките и оставете да се маринираат 10-20 минути или уште подобро неколку часа во фрижидер.
5. Месото печете го на скара со сосот 5-7 минути додека се испече од двете страни. Вишокот маринада во садот не го фрлајте. Ако месото го печете во рерна, ставете го во сад врз хартија за печење и печете го 10-12 минути на најсилна температура во веќе загреана рерна.
6. Додека месото се пече, останатиот сос ставете го во мало тенџере и додајте лажица вода. Зовријте ја смесата и гответе 3 минути, по потреба за поредок сос додајте повеќе вода.
7. Готовото свинско филе послужете го во чинија и прелијте го со сосот и со гарнир од варен зеленчук по желба.