За подготовка на овој рецепт се потребни помалку од 40 минути

1. Изматете ги јајцата со 2 чаши шеќер и додајте масло, кисело млеко, печиво и ванилин шеќер. Убаво соединете и потоа додајте мелен афион и мелени ореви.
2. Во голем плех ставете две готови кори за баклава и попрскајте ги со масло, ставете фил и покријте со три кори. Повторете ја постапката додека не снемате материјал.
3. Исечете ја баклавата на коцки и ставете ја да се пече во загреана рерна на 180°C, околу 40 минути додека не зарумени.
4. Во меѓувреме подгответе шербет со 3 чаши шеќер и 3 чаши вода. Ставете ги во тенџере на оган да вријат околу 7-8 минути со постојано мешање додека шеќерот целосно не се стопи.
5. Готовата баклава прелијте ја со шербетот и послужете ја.