За подготовка на овој рецепт се потребни помалку од 15 минути

1. Во тенџере на оган ставаме шеќер, 1 ванилин шеќер и малку вода колку да го прекрие шеќерот. Промешуваме и го оставаме садот на тивок оган додека шеќерот не се растопи.
2. Бисквитите ги кршиме на парчиња, а бадемите ги лупиме.
3. Во зовриениот шербет ставаме гриз и 10 лажици мелени бисквити, го исклучуваме огнот и убаво промешуваме. Ги додаваме лупените бадеми и парчињата бисквити и сè убаво повторно промешуваме.
4. Смесата ја претураме на алумиумска фолија и со раце формираме колач. Врз колачот ставаме уште неколку бадеми, го виткаме во фолијата и го оставаме настрана да се стегне.
5. Кога бисквит колачот ќе се оформи и стегне, го сечеме на парчиња и украсуваме со бадеми по желба.