Овој рецепт се подготвува за помалку од 60 минути

1. Јајцата ги кршиме, белките ги оставаме во сад на страна, а жолчките ги ставаме во сад за матење.
2. Во садот со жолчките ги додаваме бадемите, циметот, мелените каранфилчиња и медот.
3. Лимонот го цедиме во цедалка и половина од лимоновиот сок додаваме во садот.
4. Додаваме 250 г шеќер и брашното. Со рака ја месиме смесата, ја ставаме на набрашнета работна маса и со сукалка развлекуваме кора.
5. Од кората сечеме штангли со должина од 4 и широчина од 2 см и ги редиме во тава за печење обложена со хартија.
6. Ја ставаме тавата во рерна. Печеме 20 минути на 150 степени. Ја вадиме тавата од рерна.
7. Во сад за матење ги ставаме белките, 100 г шеќер и преостанатиот лимонов сок. Матиме со миксер додека шеќерот не се стопи.
8. Со готварска четка ги премачкуваме штанглите со изматените белки. Ја враќаме тавата во рерна. Печеме уште 15 минути на иста температура.