За овој рецепт се потребни помалку од 50 минути

1. Загрејте ја рерната на 200°C.
2. Во тенџере со зовриена вода ставете ги преполовените парчиња цвекло и варете ги додека омекнат, околу 20-30 минути.
3. Во меѓувреме исечете го багет лебот дијагонално на парчиња со дебелина околу 1 и пол сантиметар. Сите лепчиња премачкајте ги со маслиново масло од двете страни и наредете ги во плех на намастена хартија за печење, па печете ги во загреаната рерна околу 15 минути додека станат крцкави.
4. Крем сирењето и козјото сирење измешајте ги и загрејте ги кратко во микробранова колку да омекнат и да се добие кремаста смеса.
5. Свареното цвекло исечкајте го на коцки и измешајте го со сечканиот кромид, солта, биберот, шеќерот, маслиновото масло и балсамико оцетот.
6. Секое од потпечените лепчиња премачкајте го со смесата од крем сирење, одозгора ставете лажица од смесата со цвекло и декорирајте со сечкани листови босилек.