Овој рецепт се подготвува за помалку од 70 минути

1. Главицата кромид ситно ја сечкаме и ја пржиме на загреано масло во тава на оган. Откако кромидот ќе омекне го додаваме меленото месо. Мешаме со лажица.
2. Магдоносот ситно го сечкаме и го додаваме во тавата со испрженото месо. Додаваме вегета, посолуваме, наросуваме бибер и промешуваме.
3. Во длабок сад со жица ги матиме јајцата. Ја додаваме павлаката и промешуваме. Посолуваме, ја додаваме газираната вода и мешаме додека смесата не се соедини.
4. Во тава за печење намрсена со масло ставаме 2 кори свиткани во големина на тавата. Врз нив нанесуваме од филот од мелено месо. Повторно ставаме 2 свиткани кори и нанесуваме фил. Истата постапка ја повторуваме додека не ги потрошиме сите кори и целиот фил.
5. Го сечеме бурекот на коцки и го преливаме со мешавината од јајца, павлака и газирана вода.
6. Тавата ја ставаме во рерна, печеме 45 минути на 180 степени и ја вадиме од рерна.