За овој рецепт се потребни помалку од 40 минути + неколку часа во фрижидер

1. Бисквитите сомелете ги и измешајте ги со лажица шеќер и со растопениот путер.
2. Смесата добро соединете ја и натапкајте ја во кружен сад (18-20см) врз хартија за печење убаво со лажица да се залепи за дното.
3. Оставете го пандишпанот половина час да отстои во фрижидер.
4. Во меѓувреме подгответе го шербетот од лубеница: лубеницата убаво исчистете ја од семките, исечкајте ја и изблендирајте ја со 100 г шеќер, па ставете ја во тенџере.
5. Тенџерето ставете го на оган и кога ќе зоврие течноста додајте го желатинот и мешајте неколку минути смесата да врие.
6. Тргнете го тенџерето од оган и оставете ја смесата целосно да се олади на собна температура.
7. Почнете со подготовка на филот од крем сирење: во сад со помош на жица за матење измешајте ги крем сирењето и киселото млеко (претходно исцедете ги) и оставете ги настрана. *Напомена: сите состојки за филот треба да се претходно добро ладни од фрижидер.
8. Во друг сад пенасто со миксер изматете ги жолчките со 200 г шеќер.
9. Во трет сад со миксер матете ја слатката павлака да добиете цврст крем (околу 5-10 минути).
10. Сите состојки соединете ги и добро измешајте ги.
11. Додајте и рендана кора од лимон и малку сок и прстофат сол, па повторно измешајте.
12. Тортата извадете ја од фрижидер, одозгора премачкајте со фил од крем сирење, па на површината додајте го ладниот прели од лубеница.
13. Тортата наросете ја со кокос и оставете ја најмалку 2 часа во фрижидер пред послужување.