За овој рецепт се потребни помалку од 40 минути

1. Путерот растопете го и оставете го настрана, а бисквитите сомелете ги.
2. Потоа измешајте ги и ставете ја смесата во кружен калап за торти. Убаво распоредете и натапкајте ја, па ставете ја во фрижидер 30 минути.
3. Во меѓувреме измијте ги црешите и исчистете ги од дршките и од семките. Гответе ги 10-тина минути на рингла во тава на умерен оган заедно со малку цимет и со шеќерот.
4. Во друг сад со миксер пенасто изматете ги шеќерот во прав, рикота сирењето и крем сирењето.
5. Додајте ги црешите, претходно исцедете ги од сокот и исечкајте ги, и измешајте со лажица.
6. Желатинот оставете го да отстои во вода, потоа измешајте го во топлиот сок од црешите да се растопи, па на крај додајте го со црешите и со кремот и мешајте да се соедини смесата.
7. Слатката павлака изматете ја посебно со миксер во шлаг и додајте ја во смесата и измешајте со лажица.
8. Ставете ја смесата во садот врз бисквитите и убаво израмнете. Оставете во фрижидер најмалку 3 часа.
9. Потоа на површината премачкајте со мармалад од цреши и декорирајте со свежи цреши.