За овој рецепт се потребни помалку од 90 минути

Пандишпан

1. Белките изматете ги со миксер, постепено додавајте 8 лажици шеќер и матете додека да се растопи.
2. Потоа додајте ги брашното, 8 лажици мелени ореви и 8 лажици сечкани ореви и мешајте со лажица додека смесата се соедини.
3. 40 грама од чоколадото крупно изрендајте го, додајте го во садот и промешајте, па целата смеса претурете ја во тркалезен калап за печење обложен со хартија.
4. Печете 40 минути во рерна на 180 степени.

Фил

1. Жолчките со 8 лажици шеќер и 1 ванилин шеќер ставете ги во тенџере на пареа и матете со миксер додека шеќерот се растопи.
2. Преостанатото чоколадо искршете го на парчиња и додајте го во садот со кремот, матете со миксер додека да се растопи.
3. Во друг сад посебно изматете ја слатката павлака додека да ја добие потребната цврстина.
4. Потоа со миксер изматете го изладениот крем, додајте 1 преполна лажица изматена павлака и 200 г потпечени исечкани ореви, па матете да се соедини смесата.
5. Желатинот растопете го со 50 мл вода, ставете го во тенџере и мешајте со лажица додека зоврие.
6. Изладениот желатин додајте го во садот со смесата и мешајте со лажица додека филот се соедини.

Финална постапка

1. Пандишпанот исечете го на 2 еднакви дела; првата кора ставете ја во чинија за торта и на чинијата ставете го страничниот дел од калапот за печење.
2. Врз првата кора нанесете го филот и прекријте го со втората кора пандишпан, па ставете ја тортата во замрзнувач.
3. Откако убаво ќе се излади, декорирајте ја целата торта по желба со готварски шприц со шлагот: изматете го прашокот за шлаг со шеќерот во прав и млекото додека ја добие потребната цврстина.