Овој рецепт се подготвува за помалку од 70 минути

1. Свинското филе го сечкаме на коцки и посолуваме. Ги ставаме парчињата месо да се пржат на загреано масло во тава на оган.
2. Главицата кромид ситно ја сечкаме и ја додаваме во тавата со запрженото месо.
3. Шампињоните и тиквичката ги сечкаме на коцки и ги додаваме во тавата. Го додаваме црвениот пипер и промешуваме.
4. Доматите ги лупиме и ги сечеме на кришки. Ги отстрануваме семките, а месото од доматите го сечеме на коцки. Потоа парчињата домати ги додаваме во тавата и промешуваме.
5. И конзервираните пиперки си сечкаме на коцки. Ги додаваме во тавата со запржениот зеленчук.
6. Ги додаваме виното и издробеното сирење и повторно промешуваме.
7. Содржината од тавата за пржење ја ставаме во керамичка тава намрсена со масло.
8. Јајцата ги кршиме и на око ги ставаме во керамичката тава. Тавата ја ставаме во рерна, печеме 20 минути на 200 степени и ја вадиме од рерна.