За овој рецепт се потребни помалку од 60 минути

1. Во еден сад се ставаат брашното и квасецот, се додаваат јогуртот и солта и постепено водата, колку смесата да се разводни и да стане како за палачинки.
2. Откако смесата ќе се измеша и ќе се добие смеса како за палачинки, се зема специјална тенка тава, се премачкува со масло и потоа се става слој од смесата, исто како што се премачкува сад за палачинки.
3. Откако тавата ќе се премачка, одозгора се преклопува со сач (вршник), кој претходно веќе е загреан на оган и така поклопено се чека околу 5 минути додека од намачканата смеса се добие кора.
4. Постапката се повторува додека смесата од тенџерето се потроши.
5. На крај ѓомлезето се сече на ромбови и се остава под сач, па се допекува околу 30 минути.