За овој рецепт се потребни помалку од 35 минути

1. Загрејте ја рерната на 175 степени.
2. Растопете го путерот во тенџере на рингла, па префрлете го во сад и измешајте го со маслото и со шеќерот. Мешајте го со жица за матење добро, околу 1 минута, или со миксер.
3. Потоа додајте ги ванилата и јајцата; матете со миксер уште неколку минути добро.
4. Ставете го брашното, какаото и солта, полека измешајте само со жицата (не матете со миксер) колку да се соедини смесата.
5. Смесата претурете ја во намастена тепсија бр. 36 и убаво распоредете ја.
6. Печете 20-25 минути додека убаво фати малку коричка на површината. Проверете со чепкалка дали е готово, така што ќе го боцнете колачот во средината, но овие браунис треба да се со повлажна текстура, не ги допекувајте многу да не бидат суви, чепкалката не треба да излезе сува.
7. Извадете го колачот, оставете го да се подолади и исечете го на коцки.