За подготовка на овој рецепт се потребни помалку од 60 минути

1. Во поголем пластичен сад измешајте го брашното, солта, јајцата и водата и мешајте убаво со дланките. Ако има потреба додајте повеќе вода за поретка смеса. Покријте го тестото и оставете да отстои 30-тина минути.
2. Кромидот ситно иечкајте го или изрендајте го и ставете го да отстои во цедалка. Кога ќе се исцеди, фрлете ја течноста, а кромидот измешајте го со меленото месо, сол и бибер. Мешајте убаво со лажица додека смесата целосно не се соедини.
3. Отстоеното тесто поделете го на два дела. На набрашнета површина, расукајте ги на правоаголници, што е можно потенко. Со нож исечете го тестото на квадрати со димензии од 5 сантиметри.
4. Во средината на секој квадрат ставете по 2 лажици од смесата со месо. Свиткајте ги краевите од тестото и убаво затворете го, а потоа на сите парчиња додајте им повеќе брашно за да не се лепат. Постапката повторете ја додека не се потроши тестото.
5. Во големо тенџере на оган ставете солена вода и кога ќе зоврие, ставете ги парчињата подготвено тесто. Гответе ги 20-25 минути додека не омекнат и потоа исцедете ги.
6. Во меѓувреме загрејте го маслото и ставете го црвениот пипер. Промешајте 1-2 минути само колку маслото да се обои, внимавајте да не се изгори.
7. Исечканиот црвен кромид измешајте го со јогуртот и оставете го во сад настрана.
8. Пред послужување, ставете врз готовите парчиња тесто од јогуртот и одозгора полијте ги со врело масло и црвен пипер и наросете малку суво нане.