За овој рецепт се потребни помалку од 40 минути

1. Во сад додаваме 1 чаша млака вода, па го додаваме шеќерот и мешаме со лажица.
2. Потоа едно по едно ги додаваме маслото, џемот, гризот, печивото, ванилиниот шеќер, содата и брашното. Сето ова го мешаме со лажица додека добиеме хомогена смеса.
3. Смесата ја оставаме да отстои додека да се загрее рерната (ја загреваме на 200 степени).
4. Кошничките за мафини ги полниме со смесата до половина. Печеме на 200 степени околу 5 минути, па намалуваме постепено на 170 степени, потоа и на 150 степени.
5. Филот го приготвуваме кога тестото во кошничките ќе биде сосема ладно: ставаме 200 мл вода и 200 г шеќер да вријат на тивок оган околу 10 минути. Потоа ги додаваме вишните (без семки) заедно со сокот што го пуштиле и тоа заедно да врие околу 10 минути на тивок оган.
6. За тоа време во 300 мл вода разматуваме 2 пудинга од ванила и смесата ја додаваме во вишните. Вариме додека добиеме густа смеса со убава црвена боја.
7. Од врелиот фил со лажица ставаме врз ладното тесто во кошничките.