За подготовка на овој рецепт се потребни помалку од 40 минути

1. На даската за сечење ги редиме кременадлите и ги посолуваме од двете страни, ги наросуваме со бибер и ги толчиме со дрвен чук.
2. Во подлабока тава на оган ставаме 20 грама путер да се растопи.
3. Кременадлите ги валкаме во брашно и ги редиме во тавата да се пржат 6 – 7 минути на силен оган, а потоа го намалуваме огнот и пржиме уште 15тина минути превртувајќи ги од двете страни.
4. Во меѓувреме на оган ставаме тенџере со 5 дл вода и ја додаваме коцката за супа.
5. Кромидот, лукот и киселите краставички ситно ги сечкаме и ги ставаме во посебни садови настрана.
6. Во тавата кај што се пржеа кременадлите го додаваме кромидот и промешуваме, а испржените кременадли ги префрламе во друга тава и ги поклопуваме со капак. Откога кромидот ќе омекне, го додаваме лукот, промешуваме и додаваме малку вода и белото вино, а потоа и парчињата кисели краставички.
7. Убаво промешуваме и ја додаваме готовата супа, буковец, доматно пире, сол и бибер. Оставаме да се динста смесата.
8. Откако течноста во тавата ќе изврие и сосот ќе се згусне, ги додаваме испржените кременадли.
9. На оган ставаме тенџере со вода и посолуваме. Додаваме 20 грама путер, а преостанатиот путер го додаваме во тавата со кременадлите.
10. Кога ќе зоврие водата во тенџерето, го додаваме пирето во прав и мешаме со жица за матење. Кога пирето ќе згусне, го тргаме од оган.
11. Кременадлите откако убаво ќе впијат од сосот во тавата ги послужуваме на чинија заедно со пирето од компири. Декорираме со парчиња праз и магдонос, а кременадлите ги преливаме со преостанатиот сос. Добар апетит!