За овој рецепт се потребни помалку од 80 минути + 2 часа за тестото да стаса

1. Свежиот квасец издробете го и растопете го со малку млака вода, па помешајте го со лажица интегрално брашно и оставете го да отстои половина час.
2. Во меѓувреме сувото грозје потопете го во вода и исцедете го, оревите ситно исечкајте ги и измешајте ги со ванилата.
3. Во еден сад измешајте ги јајцето, маслото, медот и матете со жица. Постепено додавајте го интегралното брашно, каранфилчето (но и не мора), растопениот квасец и останатите состојки. По потреба додавајте млака вода за да се добие посакуваното тесто.
4. Ставете го тестото во намастен и набрашнет калап за куглов и оставете да стасува 2 часа.
5. Печете во загреана рерна на 200 степени, околу 45 минути.