За овој рецепт се потребни помалку од 90 минути

1. Со вилушка измешајте 300 грама од брашното со јајцата, една лажичка масло и малку сол. Потоа смесата месете ја со раце за да добиете меко и еластично тесто. Оставете го да отстои завиткано во фолија 15-тина минути.
2. Потоа расукајте го тестото и исечете го на правоаголни лазањи.
3. Брокулите сварете ги, исцедете ги и префрлете ги во тава со малку масло. Додајте ги исечканиот кромид, неколку гранчиња мајчина душичка и малку мајоран. Посипете ги со сол и пржете ги.
4. Подгответе го бешамелот: во еден сад на оган измешајте 80 г брашно во 80 г врел путер, па кога ќе добиете бела, густа смеса, растворете ја со ладното млеко. Оставете го бешамелот да се вари 10 минути. На крајот посолете го.
5. Намастете една тава, премачкајте го дното со малку бешамел и наредете еден слој од тестото. Прекријте го тестото со слој брокули и повторете ја постапката по истиот редослед додека да снемате материјал.
6. Завршете со слој брокули, полијте ги со бешамел сос и одозгора изрендајте кашкавал и ставете ливчиња путер. Печете ги лазањите 30 минути на 200 степени.