За овој рецепт се потребни помалку од 60 минути

1. Изматете 1 јајце со 2 жолчки и 250 грама шеќер, па додајте го путерот и брашното измешано со прашакот за печиво.
2. Тестото поделете го на два дела. Првиот дел развлечете го и внимателно распоредете го на дното на плехот.
3. Јаболката изрендајте ги, исцедете ги добро и наредете ги врз тестото. Посипете ги со 100 грама шеќер, пакетче ванилин шеќер и пакетче цимет.
4. Врз јаболката нанесете ја другата половина од тестото и печете го колачот во загрена рерна на 200 степени околу 20-тина минути.
5. Изматете 2 белки со 100 грама шеќер, премачкајте ја полупечената пита и продолжете со печење уште 20 минути на 150 степени.
6. Одозгора на оладената, готова пита наросете шеќер во прав и пресечете ја на коцки.