За овој рецепт се потребни помалку од 20 минути + 60 минути што треба да отстои тестото во фрижидер

1. Сувото грозје оставете го да кисне во румот преку ноќ.
2. Од маргаринот, шеќерот, жолчките, солта, брашното и мелените лешници замесете меко тесто.
3. Завиткајте го во фолија и оставете го да се лади во фрижидер 60 минути.
4. Рерната загрејте ја на 200 степени.
5. Од тестото расукајте кора со дебелина од  од 1,5 см.
6. Сечете ја кората на крукчиња (ако немате сад за форми, може со врвот од чаша за ракија).
7. Наредете ги во плех со намастена хартија за печење и печете ги во загреаната рерна околу 15 минути.
8. Во меѓувреме брусниците (од тегла, а може и мармалад) измиксирајте ги со сувото грозје од румот.
9. Секои две колачиња од рамната страна залепете ги со филот од брусница.
10. Повторете ја постапката со сите ванилици и одозгора посипете ги со шеќер во прав и послужете ги во соодветен голем сад.