За овој рецепт се потребни помалку од 120 минути

1. Белките и жолчките се одвојуваат во посебни садови, белките се матат во цврст снег и постепено се додаваат 100 грама шеќер.
2. Лупените бадеми се ситнат во блендер и се мешаат со шеќерот во прав, па се додава нишесте (или лажица прашак пудинг од ванила). Смесата се промешува и постепено се додава снегот од белки.
3. Смесата не треба да биде ни густа ни ретка. Се дели на неколку дела и се додава прехрамбена боја по избор.
4. Потоа смесата се истура во слаткарски шприц, па се истиснуваат крукчиња со пречник од 2-2,5 см. Се оставаат да отстојат 60-90 минути.
5. Потоа се сушат во загреана рерна на 150°C, околу 15-17 минути. Во текот на првите 5-6 минути неколку пати се отвара рерната за да излезе влагата.
6. Готовите макаронси се оставаат да се изладат, а потоа се вадат од хартијата за печење.
7. Белото чоколадо се растопува со 50 мл слатка павлака, а потоа се додаваат сок и рендана кора од 1 лимон. Се остава филот да се излади.
8. Се подготвува друг фил: чоколадото се растопува со 50 мл слатка павлака и се остава да се стегне.
9. Третиот фил: жолчките се матат со 4 лажици шеќер, па се варат на пареа. Во оладената смеса се додаваат 1 дл слатка павлак и мелените бисквити. Се остава да се стегне.
10. Оладените макаронс колачи се филуваат и се поклопуваат, па се оставаат да отстојат преку ноќ во фрижидер.