За овој рецепт се потребни помалку од 120 минути

1. Загрејте ја рерната на 180°C.
2. Орео колачињата сомелете ги во блендер заедно со топениот путер. Смесата натапкајте ја добро во кружен сад за торти со пречник од 24 см.

3. Во друг сад со миксер изматете ги крем сирењето, 1 чаша шеќер, ванилата и 1 чаша павлака додека добиете хомогена кремаста смеса.

4. Едно по едно додавајте ги јајцата во смесата со крем сирењето и продолжете со матење. Пред да го додадете второто јајце, добро изматете го првото во смесата.

5. Смесата со крем сирењето прелијте ја врз садот со смесата од орео колачињата.

6. Во загреаната рерна на првата решетка ставете огноотпорен сад, наполнет со врела вода. Чизкејкот ставете го на втората решетка врз садот со вода и печете го така околу 1 час.

7. Чизкејкот треба да нарасне убаво, ако во центарот има длабнатина – печете го уште дополнителни 10 минути во рерната.

8. Кога колачот ќе се испече, изгасете ја рерната, отворете ја и оставете го така да се излади околу 1 час.

9. Во друг сад измешајте чаша павлака, 3 лажици шеќер и лажичка екстракт од ванила.

10. Со оваа смеса премачкајте го изладениот колач, оставете го најмалку 1 час во фрижидер да се олади или уште подобро преку ноќ.