Овој рецепт се подготвува за помалку од 80 минути

1. Во сад се ставаат брашното, шеќерот, квасецот и маслото, потоа се замесува тесто со вода, со средна тврдина. Во друг сад на овошјето му се отсранува лушпата, се сечка на ситни коцкички во кои се ставаат гризот, ванилата и сокот од лимон. Сето тоа убаво се промешува и се трга на страна.
2. Од замесеното тесто се расукува четвртеста кора. На средината на кората се става маргарин исечен на листови (едната половина од маргаринот) и кората се преклопува од сите страни за да се добие квадрат.
3. Постапката се повторува уште еднаш или додека се потроши и другата половина од маргаринот. По третпат се расукува четвртаста кора и со нож за пица се сече целата кора на еднакви квадратчиња.
4. Секое квадратче се премачкува со џем и врз него се става од овошјето. Потоа, квадратчето се преклопува и се притиска лесно со прсти на краевите за да се залепи.
5. Така приготвените колачиња се редат во подмачкан плех, се оставаат да нараснат.
6. Откако ќе стасаат колачињата, се печат во рерна на 180 степени од 30 до 40 минути. На крај испечени, додека се топли се посипуваат со шеќер во прав.