Овој рецепт се подготвува за помалку од 60 минути

1. Јајцата ги кршиме и ги двоиме жолчките од белките.
2. Во сад за матење со миксер ги матиме жолчките и половината од шеќерот. Откако шеќерот ќе се растопи го исклучуваме миксерот.
3. Со миксер ги матиме белките и преостанатиот шеќер. Изматените белки ги додаваме во садот за матење и мешаме со лажица додека смесата не се соедини.
4. Какаото и лебните трошки ги додаваме во садот  со 150 г мелени ореви и мешаме со лажица. Оревите, какаото и лебните трошки ги додаваме во садот за матење и мешаме со лажица додека смесата не се соедини.
5. Во подмачкан калап за печење го истураме тестото за пандишпанот. Калапот го ставаме во рерна и печеме 30 минути на 200 степени.
6. Чоколадата ја кршиме на парчиња и ја ставаме да се топи на пареа. Мешаме со лажица за чоколадата побрзо да се растопи.
7. Садот со растопената чоколада го тргаме од оган.
8. Во сад за матење со миксер го матиме путерот, шеќерот во прав и ванилиниот шеќер. Во садот за матење го додаваме јајцето и вареното кафе. Откако смесата ќе се соедини го исклучуваме миксерот. Потоа во садот за матење ја додаваме изладената растопена чоколада и повторно матиме со миксер додека смесата не се соедини.
9. Испечениот пандишпан го сечеме на два еднакви дела. Двете кори ги попрскуваме со рум. Ја филуваме првата кора. Врз филот ја нанесуваме втората кора од пандишпанот. Потоа со фил ја премачкуваме цела торта.