За овој рецепт се потребни помалку од 120 минути

1. Најпрво пригответе го месото. Најдобро е да го приготвите еден ден порано за да може месото подобро да ги впие зачините и да омекне. Исечкајте го месото на коцки, зачинете со сол, бибер и црвен пипер.
2. За подготовка на тестото најпрво измешајте го квасецот со млака вода и шеќер. Кога ќе стаса, во длабок сад ставете ги останатите состојки. Замесете средно меко тесто и ставете го да стаса околу еден час.
3. Стасаното тесто размесете го и повторно оставете го да стасува. Вториот пат пократко, околу 20 минути. Откако ќе стаса и по втор пат, размесете го и поделете го на четири дела.
4. Деловите обликувајте ги како топчиња и повторно оставете ги да стасаат. Кога ќе нараснат обликувајте ги како пастрмајлии според големината на тавата.
5. Секоја пастрмајлија наредете ја со месо и парченца свинска маст.
6. Печете во загреана рерна на 220 степени, 20 минути. Сервирајте ги со лути пиперчиња или феферони.