За овој рецепт се потребни помалку од 90 минути

1. Белиот дел од празот исечете го на 4 дела по должина, па пржете ги на 2 лажици масло заедно со 2 исечкани листови жалфија.
2. Полијте го празот со 1 чаша топла супа и варете го 5 минути на тивок оган. Зголемете ја температурата и оставете ја да испари целата течност, мешајќи го празот.
3. Месото истолчете го и прекријте го со оладениот праз. Завиткајте го во ролат и заврзете го со готварски конец.
4. Пржете го месото на 3 лажици загреано масло додека да зарумени.
5. Додајте ги тенко исечканата кора од лимон, излупениот и изгмечен лук, останатите листови жалфија и млекото.
6. Поклопете ја тавата и гответе го месото 1 час. Повремено поливајте го со течноста.
7. Потоа отстранете ги лукот и кората од лимон, префрлете го месото во еден сад и изматете ја течноста за да добиете хомоген сос.
8. Исечете го месото на парчиња и сервирајте го со сосот.