За подготовка на овој рецепт се потребни помалку од 60 минути

1. Тиквата исчистете ја и излупете ја, а компирите излупете ги. Исечете ги тиквата и компирите на коцки.
2. Во тенџере ставете малку масло и пропржете го исечканиот кромид, а откако малку ќе омекне додајте ги тиквата и компирите.
3. Пропржете ги 2-3 минути, па додајте сол и вода или зеленчукова супа по желба. Зачинете со куркума.
4. Покријте го тенџерето со капак и гответе 40 минути додека тиквата и компирите омекнат. Додавајте по потреба вода.
5. На крај од готвењето додајте го путерот, промешајте и гответе додека се растопи путерот, а потоа тргнете од оган и оставете настрана да се олади.
6. Смесата испасирајте ја или изблендирајте ја додека сè убаво се соедини и се добие кремасто пире.
7. Послужете го пирето во соодветен сад и декорирајте со зрна калинка.