За овој рецепт се потребни помалку од 40 минути

1. Јаболките ги лупиме, им ги отстрануваме семките и ги сечкаме на ситни парчиња.
2. Во тава за печење ставаме 25 грама шеќер и вода и потоа префрлуваме на оган и вариме додека шеќерот не се растопи и се направи карамел.
3. Ја тргаме тавата од оган и ги редиме парчињата јаболки. Ставаме во рерна и печеме 20тина минути на температура од 200°C. Потоа ги тргаме настрана да се оладат.
4. На оган ставаме средна тава и го ставаме останатиот шеќер да се растопи. Постепено мешајте за да не загори шеќерот.
5. Нишестето го разредуваме со малку вода и потоа го додаваме со растопениот шеќер во тавата. Додаваме и малку вода и оставаме да проврие. Додаваме и свежо исцеден сок од лимон и мешаме додека не се добие потребната густина. Потоа ја тргаме смесата од оган и оставаме настрана да се стегне.
6. Во меѓувреме го подготвуваме тестото: брашното го истураме на работната маса, правиме вдлабнатина и во средина го ставаме путерот. Ги одвојуваме белката и жолчката од јајцето и само жолчката ја додаваме во средина на брашното. Во вдлабнатината додаваме малку вода и замесуваме тесто кое потоа го делиме на 2 дела.
7. Од првиот дел расукуваме кора и ја сечеме во големина на чинија. Кората ја ставаме во намрсена тава со масло и ставаме во рерна да се пече 10тина минути на 175°C. Потоа испечената кора ја ставаме во тавата врз испечените јаболки, ја покриваме со чинија и ја превртуваме.
8. Тавата и калапот во кој се печеа јаболките ги отстрануваме, а површината убаво ја мазниме со нож.
9. Тавата со изладената смеса ја враќаме на оган и додаваме 1 лажица мед. Убаво промешуваме, тргаме од оган и со црпалка истураме врз чинијата за сервирање. Сечеме парче од питата со јаболка и го ставаме во чинијата. Наросете со цимет по желба и послужете со топка павлака.