Овој рецепт се подготвува за помалку од 60 минути

1. Измешајте го брашното со маргаринот, солта и водата и замесете тесто.
2. Поделете го тестото на два дела и ставете го во фрижидер да отстои половина час.
3. Во меѓувреме на загреано масло испржете го ситно сечканиот кромид, додајте го меленото месо, сол, вегета, бибер и малку вода и пржете додека не биде готово.
4. Кога ќе биде готово месото, тргнете го на страна да се излади.
5. Јајцата искршете ги и малку изматете ги.
6. Додајте ја павлаката во јајцата, сол, бибер и измешајте.
7. Од овој прелив оставете 6 лажици за премачкување на корите, а остатокот додајте го во меленото месо.
8. Тестото извадете го од фрижидер и развлечете кори колку што ви е тавата за печење.
9. Врз едната кора ставете го цел фил и покријте со другата кора.
10. Горната кора избодете ја со вилушка и премачкајте ја со павлаката што претходно сте ја издвоиле.
11. Печете на 220 степени околу 25 минути.