За подготовка на овој рецепт се потребни помалку од 30 минути

1. Пастрмките внимателно исчистете ги, измијте ги и исушете ги со кујнска крпа. Посолете ги и попрскајте ги со лимонов сок.
2. Во тава на оган ставете го путерот и додајте ситно исечкани лук и магдонос, лажица маслиново масло и вегета, па добро промешајте.
3. Секоја од пастрмките исечете ја од главата до перката и наполнете ја со подготвената смеса. Ставете ги во тепсија, додајте им од маслото и пржете ги од двете страни додека не поруменат.
4. Готовите пастрмки послужете ги со варен компир, полијте го со врел путер и сечкан магдонос и исцедете им дополнително сок од лимон.