За подготовка на овој рецепт се потребни помалку од 60 минути

1. Пиперките се сечат на горниот дел и им се отстранува дршката, а потоа се чистат семките со лажица колку да се наполнат.
2. Во тавче се става масло и се пропржува исечканиот кромид, па се додаваат меленото месо и оризот и убаво се промешува.
3. Се додаваат исечканата китка магдонос, сол, вегета, бибер, црвен пипер и убаво се промешува уште малку и се пропржува со месото.
4. Со подготвениот фил убаво се полнат пиперките и на врвот се затвараат со компирот или доматот кои се исечени на кружни подебели парчиња.
5. Пиперките се враќаат во тавата кај што се пржеше месото, се поливаат со зовриена вода и се динста на умерена температура, а подоцна се додава доматен сос и зачини по вкус и се потпекуваат во загреана рерна додека површината не потемне.