За овој рецепт се потребни помалку од 60 минути

За палачинките:

1. Во еден сад скршете ги јајцата, додајте го брашното и мелената леблебија, малку сол, па мешајте со додавање на ладно млеко и една црпалка вода. Треба да добиете течно тесто за палачинки.
2. Загрејте 30 грама путер во тава и во неа испржете ги палачинките (испаѓаат 15-17).

За филот:

1. На малку масло пропржете ги кромидот, морковите и целерот, исечкани на ситни коцки.
2. Потоа додајте ги и исечканите печурки, прелијте ги со павлаката, посипете ги со сол и бибер и пржете ги на тивок оган околу 20 минути.
3. Зеленчукот префрлете го во еден сад, крупно испасирајте го и додајте ги пршутата, исечена на коцки, и 2 лажици рендан кашкавал, па добро измешајте ги.

Финална постапка:

1. Со оваа смеса наполнете девет палачинки и завиткајте ги во ролат.
2. Останатите палачинки ставете ги врз 6 садови со дијаметар од 13 см, а потоа ставете ги во загреана рерна за да станат крцкави и да ја задржат подвитканата форма.
3. Наполнетите палачинки исечете ги на парчиња и со нив наполнете ги потпечените палачинки.
4. Посипете ги со кашкавал и кратко време држете ги во рерна за да се растопи кашкавалот.