За овој рецепт се потребни помалку од 50 минути

1. Свинското каре пресечете го на четири подебели парчиња, а потоа секое парче засечете го малку, но не докрај.
2. Премачкајте ги парчињата месо со сенф и зачинете ги.
3. Во средината на секое парче месо ставете лента кашкавал, 1-2 ленти чадено бело месо, 1-2 ленти шунка и затворете го со чепкалки.
4. Наредете ги парчињата каре во намастено тавче и пропржете ги од двете страни малку колку да заруменат.
5. Потоа додајте 50-80 мл вода, а врз секое парче каре ставете по 1-2 парчиња чадена сланина и ставете да се пече во загреана рерна околу половина час или додека месото убаво зарумени.
6. Парчињата каре се служат со печени компири и салата.