За овој рецепт се потребни помалку од 80 минути

1. Растопете го квасецот во млака кисела вода и оставете го да нарасне.
2. Потоа додајте чаша масло, малку шеќер и брашно по потреба и замесете тесто.
3. Тестото поделете го на 5 дела и расукајте ги во кори со големина на плехот.
4. Измешајте 250 г мелени ореви со 250 г шеќер.
5. Првата кора ставете ја на плехот, премачкајте ја со џемот од кајсии (или друго овошје по вкус), посипете ја со ореви и со шеќер.
6. Ставете ја втората кора и филувајте така до крај. Завршете со кора.
7. Питата оставете ја да нарасне половина час и потоа печете ја во загреана рерна додека фати убава кора.
8. Печената пита премачкајте ја со џем и посипете ја со уште мелени ореви.