За подготовка на овој рецепт се потребни помалку од 3 часа

1. Свинскиот бут го засекуваме на неколку места со остар нож, го посолуваме и додаваме бибер, па го ставаме во намастена тава за печење.
2. Во засеците на бутот ставете исечени половинки од лукот и попрскајте го со масло одозгора.
3. Во тавата со месо налијте од готовата пилешка супа и печете го 3 часа во загреана рерна на 200°C. По некое време додајте парчиња од 1 јаболка, налијте црвено вино и продолжете да печете.
4. Во меѓувреме ситно исечкајте го кромидот и пржете го на малку масло, па додајте ја сланината исечкана на коцки. Пржете додека сланината стане крцкава, а потоа тргнете ја тавата настрана.
5. Во друг длабок сад изрендајте ги јаболката и морковите, па додајте исечкан лук, рендана кора од еден лимон и ситно сечкан магдонос. Измешајте ги убаво состојките, па со нив измешајте ги и кромидот и сланината. Во садот додајте го и јајцето, лебните трошки, сол и бибер.
6. Смесата од садот ставете ја на алуминиумска фолија и завиткајте ја во ролат. Ролатот ставете го во тава, налијте вода и ставете го во рерна да се пече.
7. Извадете ја тавата со свинскиот бут и сосот во кој што се печеше ставете го во тенџере на оган да се свари. Додајте во тенџерето запршка од 2 лажици брашно, зачинете со сол и бибер по вкус и мешајте додека сосот малку се згусне.
8. Готовиот свински бут ставете го во чинија за послужување, полијте го со сосот и со испасирани печени јаболки, ролатот исечете го на парчиња и послужете го со свинскиот бут.