Овој рецепт се подготвува за помалку од 40 минути.

1. Кромидот се сече на коцки и се пржи на врело масло. Се додава меленото месо и се пржи додека ја смени бојата.
2. Се сипува доматниот сос и се динста на умерена температура, долевајќи вода по потреба, додека омекне месото. Пред крајот на динстањето се зачинува со сол и бибер по желба.
3. Филот од месо се цеди, а сосот во кој се динсташе се чува.
4. На секоја палачинка се нанесува малку фил од месо, страничните краеви се преклопуваат навнатре, па се витка во ролат. На истиот начин се полнат преостанатите палачинки.
5. Тепсијата се намастува и во неа се редат палачинките.
6. Исцедениот сос се соединува со кисела павлака и се прелева преку палачинките. Се пече во загреана рерна на 200°C околу 20 минути.