За овој рецепт се потребни помалку од 50 минути

1. Обландите завиткајте ги во влажна крпа за да омекнат.
2. Во меѓувреме пригответе го филот. Во тенџере на оган ставете ги млекото и шеќерот да зовријат. Во смесата додајте ги маргаринот, какаото, ренданата кора и сокот од портокалот.
3. На крај додајте и сечкани ореви, па и мелени бисквити по потреба за да се згусне смесата.
4. Омекнатите обланди одвиткајте ги од крпата и една по една филувајте ги со топол фил, а потоа со помош на крпата повторно завиткајте ги во ролна. Оставете ги настрана да се стврднат.
5. Откако ќе се стврднат, обландите полијте ги со глазура од чоколадо (чоколадото го растопуваме со една мала коцка маргарин, малку масло и неколку лажички млеко), а одозгора наросете ги со бело изрендано чоколадо.
6. Готовите обланди потоа исечете ги на коси парчиња, наредете ги на чинија и декорирајте ги со желе бонбони.