За овој рецепт се потребни помалку од 30 минути

1. Може да употребите пакување готови, лупени бадеми. Во спротивно, излупете ги бадемите, исечете ги на ленти и во тава на оган без масло згответе ги колку да добијат светлокафена боја. Оставете ги во сад настрана да се оладат.
2. Малините измијте ги и исцедете ги.
3. Праските измијте ги, извадете ги семките, а потоа исечете ги на средни парчиња во должина.
4. Измешајте ги малините и праските во стаклен сад и додајте го свежиот сок од лимон.
5. Во друг помал сад измешајте го свежиот сок од портокал со шеќерот во прав и додајте ја смесата врз овошјето во стаклениот сад.
6. За бисквити може да употребите пакување бисквити од бадеми или, пак, обични кекси (по желба). Измелете ги бисквитите. Во сад измешајте ванилин шеќер, јогурт и мелените бисквити.
7. Прелијте ја овошната салата со смесата од јогуртот, но не мешајте, само додајте ја одозгора. За декорација наросете бадеми и листови свежо нане.

Предлог: промешајте 2 лажици јогурт со 2 лажици мед и ставете го во чаша и во замрзнувач – ќе добиете домашен сладолед од јогурт, кој кога малку ќе се стопи може да го користите за оваа салата.