За овој рецепт се потребни помалку од 120 минути

1. Месото исечете го на 4 шницли и истолчете ги со чук.
2. Шницлите зачинете ги со сол и бибер и врз секоја од нив ставете по еден колбас.
3. Свиткајте ги краевите на шницлите кон внатрешноста, свиткајте ролати и зацврстете ги со чепкалки.
4. Кромидот пропржете го на загреано масло во тава на оган.
5. Морковот и коренот од целер исечкајте ги на парчиња и додајте ги во тавата со полуиспржениот кромид.
6. Откако ќе омекнат, зачинете со ким, црвен пипер, сол и бибер.
7. Во тавата додајте ги ролатите и 500 мл вода, па динстајте 90 минути на умерен оган. По потреба додавајте уште вода.
8. Извадете ги ролатите од тавата и отстранете им ги чепкалките, па во истата тава ставете го брашното и пржете го на рингла мешајќи со лажица.
9. Откако ќе се испржи брашното, во тавата додајте 200 мл вода и павлаката. Содржината во тавата измиксајте ја со блендер и варете додека сосот ја добие посакуваната густина.
10. Сервирајте ги ролатите со сосот и со пире од компири.