За овој рецепт се потребни помалку од 3 часа

1. Најпрво само портокаловиот дел од кората на портокалите го стругаме со ренде во еден сад, потоа така приготвените портокали ги вариме цели во 9 води.
2. Ги оставаме да се изладат, а во меѓувреме го подготвуваме шербетот.
3. Го ставаме шеќерот со водата во големо тенџере за варење слатко. Во тенџерето додаваме 1 лимон исечкан на потенки кругови и 1 кесичка ванилин шеќер или стапче ванила.
4. Додека шербетот се вари, портокалите ги сечеме на мали триаголни парчиња со остар нож.
5. Кога шербетот ќе биде добро сварен, во него внимателно, парче по парче, ги пуштаме исечканите триаголници од портокалите. Оставаме слаткото да се вари.
6. За цело време додека се вари, кога на површината ќе се појави жолта пена ја отстрануваме, а кога пената ќе стане бела низ целата површина, слаткото е готово.
7. Го покриваме тенџерето со навлажнета крпа и оставаме да се излади, па кога ќе биде добро изладено го собираме во тегли.