За овој рецепт се потребни помалку од 120 минути

1. За оваа количина на смеса се потребни 12 палачинки кои претходно може да ги подготвите или да купите готови.
2. Во длабока тава издинстајте ги кромидот и месото. Потоа посолете и оставете водата да испари.
3. Додајте ги црвената и зелената пиперка, исечкани на коцки.
4. Во смесата додајте само бибер.
5. Дополнете со пире или сок од домати.
6. Смесата пржете ја сѐ додека не омекнат пиперките и додека не испари водата.
7. Потоа додајте ги гравот, гаудата и пченката.
8. Со оваа смеса полнете ги палачинките, посипајте ги со пармезан и намотајте ги како што тоа вообичаено се прави. Потоа наредете ги во тава една до друга.
9. Павлаката за готвење измешајте ја со сок од домати, малку посолете и налејте врз палачинките. Попрскајте со пармезан и печете на температура од 200°С сѐ додека пармезанот не добие златна боја.