Овој рецепт се подготвува за помалку од 80 минути

1.  Подгответе го основниот сос: во еден сад ставете го млекото да зоврие заедно со шеќерот и со ванилиниот шеќер. Тргнете го садот од оган, поклопете го и оставете го да отстои 15 минути. Потоа со мешање додајте го брашното, кое претходно сте го измешале во останатото ладно млеко.
2. Вратете го садот на оган и оставете го сосот да зоврие. Оставете го сосот да врие 2 минути, постојано мешајќи го, се додека не добиете густа смеса. Тргнете го садот од оган, па во садот додајте го путерот. Добро измешајте го и оставете го да се олади, постојано мешајќи го.
3. Скршете ги јајцата и одвоите ги жолчките од белките. Додајте ги жолчките на подготвената смеса, мешајќи ги со маталка.
4. Малку посолете ги белките и изматете ги во цврст снег. Додајте 2-3 лажици од снегот од белки на смесата, па мешајте ја се додека не стане хомогена. Потоа додајте го останатиот снег од белки, мешајќи ја смесата оддолу нагоре.
5. Добро набрашнете еден калап и посипете го со бадемите. Потоа додајте ја смесата и наполнете го калапот до 2/3 од неговата височина.
6. Ставете го калапот со смесата за суфле во рерна загреана на 170 степени, па печете ја 20 минути. Потоа зголемете ја температурата на 190 степени и печете го суфлето уште 15 минути. На крајот посипете го со шеќер во прав и сервирајте го.