За овој рецепт се потребни помалку од 60 минути

1. Сирењето се дроби, се додаваат урдата и павлаката и се меша да се соединат.
2. Чаденото месо се сече на долги парчиња и се пропржуваат.
3. Кечапот се меша со ориганото, босилекот, мешавината зачини и бибер.
4. Кашкавалот се сече на парчиња.
5. Во земјено тавче или во друг огноотпорен сад премачкан со масло, прво се става од сирењето со урдата и павлаката.
6. Потоа врз сирењето се става дел од прженото чадено месо, па печурките.
7. Над печурките се додаваат 2-3 лажици од мешавината со кечап и одозгора се редат парчињата кашкавал.
8. Се пече во претходно загреана рерна.
9. За тоа време се подготвуваат фурнаринките: тестата за пица се ставаат во плех, се премачкуваат со кечап и се наросуваат со многу сусам. Се печат во загреаната рерна додека станат крцкави и потоа се сечат на долги стапчиња.