За овој рецепт се потребни помалку од 60 минути

1. Морковите изрендајте ги, измешајте ги со кафеавиот шеќер и оставете ги да отстојат додека пуштат сок.
2. Во друг сад брашното измешајте го со белиот шеќер, ванилиниот шеќер, циметот, содата бикарбона, прстофат сол, ренданата кора од портокал и изренданиот свеж ѓумбир.
3. Сувото овошје во сад прелијте го со вода и оставете го да отстои за да омекне, па исцедете го, исушете го и исечкајте го.
4. Јајцата со миксер пенасто изматете ги, додајте ја смесата со рендани моркови, исечканото суво овошје, масло, ренданите јаболки, а на крајот внимателно измешајте ја и смесата со брашно.
5. Округол калап со димензии 26 см, добро премачкајте го со путер, набрашнете го и во него прелијте ја целата смеса.
6. Печете го колачот во загреана рерна на 180 степени, 20 минути, па намалете ја температурата на 170 степени и печете додека колачот се испече (проверете со игла или чепкалка дали е готов).
7. Во меѓувреме подгответе глазура; во сад ставете го шеќерот во прав и додавајте лажица по лажица од исцедениот сок од портокал додека добиете густа смеса.
8. Печениот колач оставете го да се олади, па ставете го во фрижидер неколку часа. Потоа сервирајте го со глазурата, а по желба може да се украси со шлаг или сладолед од ванила.