За овој рецепт се потребни помалку од 120 минути

1 пандишпан

1. Јајцата и шеќерот пенасто се матат со миксер.
2. Потоа се додава брашното и се меша да се соедини смесата.
3. Смесата се претура во тава за печење обложена со хартија и се пече 20 минути на 200°C.

2 пандишпан

1. Во меѓувреме се подготвува вториот пандишпан за тортата: жолчките се одделуваат од белките – белките се ставаат во длабок сад, 4 жолчки оставаме во еден сад настрана, а 6 жолчки во друг сад настрана.
2. Белките со шеќерот и ванилиниот шеќер се матат со миксер додека се растопи шеќерот и додека да ја добијат потребната цврстина.
3. Во белките се додаваат брашното и мелените ореви и се меша со лажица.
4. Во сад за матење со миксер се матат 4 жолчки и се мешаат во садот со белките додека смесата се соедини.
5. Смесата се става во тава обложена со хартија за печење и се пече 20 минути на 200°C.

Фил

1. Во тенџере на оган ставете го млекото и откако ќе зоврие додајте ги мелените ореви и промешајте.
2. Во друго тенџере на пареа ставете 6 жолчки (преостанати од вториот пандишпан) и 2 лажици шеќер во прав, па матете со миксер.
3. Се додава чоколадото искршено на парчиња и се мати со миксер додека чоколадото се растопи и кремот ја добие потребната густина.
4. Маргаринот пенасто се мати со миксер заедно со преостанатиот шеќер во прав.
5. Потоа се меша со изладениот крем и со изладените попарени ореви, па се мати со миксер додека филот се соедини.

Финална постапка

1. Пандишпаните се вадат од рерна и се виткаат во навлажнети кујнски крпи.
2. Потоа се одвиткуваат од крпите и им се отстрануваат хартиите.
3. Со фил се премачкува вториот пандишпан, врз филот се става првиот пандишпан, се премачкува со џем од кајсии и се витка во ролат.
4. Ролатот се премачкува со преостанатиот фил и се украсува со шлаг подготвен од 200 мл млеко изматени со 2 ќесички шлаг во прав.