За овој рецепт се потребни помалку од 45 минути

Пандишпан

1. Белките се матат со 8 лажици шеќер додека да се добие цврст снег.
2. Потоа во смесата се додаваат оревите и 1 лажица масло и се промешува.
3. Се додава брашното измешано со печивото и се пече на 180°C, 15 минути.

Фил

1. Пудинзите се мешаат со жолчките и малку млеко (100 мл) и се додаваат во зовриено млеко (400 мл) во кое се растопени 6 лажици шеќер.
2. Се вари додека да се добие потребната густина, па се трга настрана целосно да се олади.
3. Кога филот ќе се олади, се меша со половина коцка изматен маргарин.

Финална постапка

1. Испечениот пандишпан се сече на 2 дела по должина.
2. Филот се дели на два дела и секоја кора се премачкува со филот и се реди една врз друга.
3. Одозгора врз филот се редат половинките од банани во 3 реда.
4. Вака распоредените банани се премачкуваат со 100 г чоколадо, растопено со 4-5 лажици млеко и 1 лажица маргарин.
5. Целата торта се премачкува со 1 пакетче изматена шлаг пена со 100 мл млеко и се декорира со готварски шприц.