За овој рецепт се потребни помалку од 60 минути

Пандишпан:

1. Јајцата добро се матат со шеќерот, па се додава потпечениот мелен лешник, се ренда 50 г чоколадо за готвење и сето тоа добро се промешува.
2. Смесата се истура во плех (40х30 см) обложен со хартија за печење.
3. Се пече во загреана рерна на 200°C.

Фил:

1. Во меѓувреме се мати путерот со 300 г шеќер во прав, па се додаваат 350 г потпечен мелен лешник и 1 дл сварено кафе (јако).
2. Целата смеса добро се промешува.

Крајна постапка:

1. Кога ќе се излади печениот пандишпан, се вади од плехот и се дели на три еднакви дела по должина.
2. Првиот дел од пандишпанот се става врз соодветен, рамен сад за послужување торти, се попрскува со шербет или со сок од слатко од смокви, па врз него се става еден дел од филот.
3. Потоа врз него се става вториот дел од пандишпанот, се попрскува со шербет и врз него се нанесува вториот дел од филот.
4. На крај се става третиот дел од пандишпанот, се попрскува со шербет и со остатокот на филот се филува целата торта.
5. Одозгора може да ја посипете целата торта со мелени лешници или со рендано чоколадо (или глазура од чоколадо) и да декорирате со неколку лешници.