За подготовка на овој рецепт се потребни помалку од 40 минути

1. Свинската маст, шеќерот и јајцата се матат со миксер. Потоа се додава брашно по потреба за да се замеси меко тесто.
2. Измесеното тесто се дели на два дела, едниот дел се остава бел, а на другиот му се додава какаото и пак се замесува за да се изедначи.
3. Двата дела се делат на по четири дела (треба да добиете 8 парчиња од двата теста).
4. Прво се расукува правоаголна кора од белото тесто. Кафениот дел се витка во вид на сукало и се додава во средината од белото тесто. Се затвара белиот дел (како ролат) и се прави триаголна форма. Може и кружна форма по желба. Истото се повторува и со сите делови.
5. Потоа тестото се сече на парчиња со дебелина од 1 см кои се редат подмачкана тепсија легнати на тепсијата и се става да се пече на 200 степени од 15-20 минути.
6. Изладените колачиња се посипуваат со шеќер во прав и со ванила.