За подготовка на овој рецепт се потребни помалку од 90 минути

1. Бабурите добро измијте ги, отстранете им ги дршките и исчистете им ги семките. Оставете ги настрана за добро да се исцедат.
2. Лукот излупете го и ситно исечкајте го, магдоносот измијте го и исто така ситно исечкајте го.
3. Во голема шерпа ставете вода, оцет, масло, шеќер, сол и зрна бибер, па ставете на оган за да зоврие. Откако течноста ќе зоврие, додавајте по 10 пиперки да вријат, па извадете ги. Постапката повторете ја додека не ги сварите сите пиперки.
4. Готовите варени пиперки редете ги во чисти, големи тегли. Врз секој ред пиперки ставете исечкани лук и магдонос. Откако ќе ја наполните теглата, притиснете малку со лажица. Пиперките прелијте ги со зовриената течност во која се вареа.
5. Теглите добро затворете ги и оставете ги преку ноќ да се оладат. По потреба, следниот ден додајте уште малку од преостанатата течност.