За подготовка на овој рецепт се потребни помалку од 45 минути

1. Квасецот измешајте го во малку млака вода и оставете го да стаса.
2. Потоа со дланките се замесува тесто од брашното, ликерот, јајцето, киселата вода, млекото, обичната вода, маслото, прашакот за печиво и стасаниот квасец.
3. Тестото се дели на 10-12 топчиња кои се покриваат со кујнска крпа и се оставаат на топло да стасаат.
4. Во меѓувреме измешајте исечкани домати, шунка, печурки, рендан кашкавал и павлака. Додајте оригано и други зачини по вкус.
5. Откако ќе стасаат и ќе го зголемат волуменот, од топчињата се сукаат кори со средни димензии.
6. На едната половина од кората се става од филот и се затвара со другата половина. Постапката повторете ја со останатите кори и формирајте затворени пици.
7. Затворените пици се редат во намастена тава, се премачкуваат со кечап и се печат додека тестото не зарумени.